Exchange Guide

喼神召喚!你識唔識揀喼?

去外地最重要係咩?當然就係喼啦!但一個好嘅喼係咪代表適合你用呢?絕對唔係,以下幾點絕對係你揀喼之前必需考慮嘅幾點!

1. 行李喼尺寸

第一步當然就係揀喼嘅Size啦!但到底要揀幾大個呢?首要考慮的當然是旅遊日數。如果係短期出差,例如一至兩日就可以揀20吋嘅喼,而三至四日旅行可以揀22吋嘅喼。但如果係長期旅行,就當然要選擇容量較大的行李箱,托運返嚟時買嘅野啦!例如五至七日就24吋,8日或者以上可以選擇28吋。

除咗旅遊日數之外,旅遊目的地都需要考慮。例如去日本、韓國呢種購物天堂,女仔一定會買唔少藥妝同零食。而如果去公幹,就當然揀小巧而輕身嘅喼,以便帶上飛機,節省落機時等候行李的時間!如果是去外升學或者海外長期居住,反而喼內空間和耐用程度就要考慮。而且不少學生都會放假返香港或者去窮遊,使用次數高,耐用程度就當然是非常重要啦!

2.喼身物料

到底硬喼和軟喼,邊款較好?其實硬和軟各有好處!硬喼保護性較高,防水能力強,就算托運行李果陣受到撞擊都唔怕,但缺點就自然係重量啦,重除咗增加行李重量可能回程會容易超重之外,女士們拎起隻喼都可能有困難。

而軟喼方面,大部分都有拉鍊來調較厚度,或外側會有收納和擴充嘅拉鍊。雖然比較輕身同彈性,而且可以裝更多嘅物品,但防水性相對地就較低啦!但如果你去旅遊嘅地方治安比較差,要小心軟喼有機會被割開!

3. 喼轆

去旅行方便自己,一個易推的喼是非常重要。不論你喺機場去酒店也好,定係回程返嚟香港都好,易推的喼絕對帶比你唔同嘅感覺。一個易推的喼多數都係四個轆,最好當然係喼轆可以360 度旋轉啦!部分更加高檔次嘅喼,更有六至八個轆可以360 度旋轉的轆!

4. TSA 密碼鎖

自從美國911事件後,好多國家對行李箱既檢查嚴格咗。例如美國入境時,海關隨時會打開你個喼檢查,如果你個喼只係用一般行李鎖,就有機會被海關強行開喼,被迫報銷。所以最好都係用想避免這樣的情況,最好用TSA海關鎖,因為呢類海關鎖可以比海關人員使用專業鑰匙做開啟,唔會破壞倒你本身個鎖

5. 喼拉鍊

喼拉鍊最好要夠順滑,容易拉開,唔要一路拉一路卡住。但如果考慮到保安度,都可以選擇採用了一些特別製造的保安拉鍊。

uFinance 致力協助大學生享有一個精彩的大學生活!

同樣身為大學生,我們理解那種有許多難得的機會,卻經濟上不允許的掙扎。好多學生因為手頭緊,而錯失了學術會議、出國交換、抑或是畢業旅行,這樣錯過便不再有的人生經驗。我們是大學生的財務支援平台,在大學生在最需要的時候,助你一臂之力!

▼大學生理財平台: https://ufinance.co/

Tags: