校園Guide

五件大學生要學懂的事

唔知大家有冇掛住中學嘅時光呢?

小編諗番起前幾年岩岩入到大學果種徬徨,有幾樣野…你必須會學會。

一,珍惜真心朋友

「Hi~好耐冇見你啦!我上堂先。Bye!」大學咁大,堂又咁多,有幾少可撞到O’Camp識既Friend?終是成日都會變左「Hi-Bye」Friend。自己悶,想搵人傾下計都難。朋友依回事重質不重量,肯同你一齊食飯上堂既朋友真係少之有少。所以要好好珍惜僅有嘅真。朋友~

二,識掛住屋企

住Hall一定明,就算你幾鍾意玩,幾鍾意自己一個。到自己唔開心好辛苦既時候往往會諗起娘親既湯水。(你知架啦,大學Canteen冇啖好食,食完仲唔開心)

三,學識帶假面具

成個大學,龍蛇混雜。有D人好鍾意食花生,有D人係大喇叭,你話對住依D人唔收埋自己點得!如果唔係成個department都會知你既瘀事T.T 有時對住D Groupmates,又要扮下乖扮下有比心機聽佢發表偉論,如果唔係分分鐘又比人E爆。

四,識得用腦呀兄弟

繼上點,大學咩人都有。有咩事,記得用腦Load下,千其唔好比人呃!同埋上到大學就冇人話比你知件事岩定錯,依個人好定壞。所以呢~最重要都係自己思考下啦傻豬!尤其是大學成日有信用卡Booth,一覺唔覺意就會比D優惠吸引左!記得咩事都三思而後行呀!

五,自律

上到大學,最鍾意走堂,小編如是。走走下,到Mid-Term就知出事!成日嫌9點堂辛苦就走!往往唔記者好耐之前中學日日8點半都得!到最後GPA爛就慘啦。大學去上堂就自律D啦,唔好參加過量嘅活動!

Tags: ,