校園Guide

大學五件事-是否過時?

話咁快又一年過去~

唔知身為大學生嘅你搵唔搵到你嘅目標呢?

之前聽過大學生必做五件事,包括讀書,住Hall,上莊,拍拖同做Part-Time。

而小編就覺得大家都唔應該限死自己嘅框框,但係作為一個過來人,反而有以下睇法!

一,讀書 ?

追GPA固然重要,讀書溫習其實都係大學生嘅職責。小編我覺得大學生要睇多啲課外書,咩書都得!點解?睇書其實可以學到好多書外嘅人生道理,亦可以培養耐性。好似小編咁,鍾意睇旅遊書,所以對世界嘅眼界自然廣,有時講下故仔,人地都會覺得:「哇!乜你知咁多新奇嘢嘅~」。

二,住Hall ?

小編諗住Hall最大目的係識新朋友~但係往往唔係個個人都有機會住Hall,我就覺得身為大學生應該At Least 玩一個Society,而唔係一定要住Hall。通常玩得同一個Society,自然會識到一班有共同興趣、話題嘅朋友~

三,上莊?

NO!NO!NO!上莊係一件十分需要慎重考慮嘅事,而唔係人人都可以上!一年嘅時間,最緊要Enjoy同開心,識到一班莊員~小編覺得可能玩O’Camp 可以喺一個唔洗犧牲咁多嘢嘅活動,又可以見識多啲大學獨有文化,又可以識到朋友師兄師姐~

四,拍拖?

依個又係一個唔係必做嘅事。好多人都覺得入到大學,係好時機去搵另一半,但為拍拖而拍拖係一件好_ _嘅事,大個仔大個女,唔想比人叫「Player」、「公廁」、「狗公」,含羞啲啦~諗清楚~

五,Part-Time?

Part-Time係幾好~搵Part-Time唔好下下向錢看,Intern雖然少錢,但係好重要,因為你可以從中搵到未來工作嘅方向同埋了解多啲一個公司內部運作,對你CV固然有好大作用啦~

大學生四年生涯,其實好快過。一定要好好Set目標,好似學一種語言咁。

咁樣就有一個你唔會後悔嘅大學生活LU~

Tags: ,